As given in Mathrubhumi web site. http://www.mathrubhumi.com/story.php?id=302565
Go to Mathrubhumi link for more news.
കണ്ണൂര്: എ.ബി.വി.പി. പ്രവര്ത്തകനായ സച്ചിന് ഗോപാല് കൊല്ലപ്പെട്ട കേസില് പോപ്പുലര് ഫ്രണ്ട് നേതാവിനെ പോലീസ് അറസ്റ്റു ചെയ്തു. പോപ്പുലര് ഫ്രണ്ട് സിറ്റി യൂണിറ്റ് പ്രസിഡന്റ് കണ്ണൂര് സിറ്റി സ്വദേശി കെ.വി.ലത്തീഫിനെയാണ് ടൗണ് എസ്.ഐ. വിനോദ് കുമാര് അറസ്റ്റ് ചെയ്തത്. ഇദ്ദേഹം കുറെ ദിവസങ്ങളായി പോലീസ് നിരീക്ഷണത്തിലായിരുന്നു. ന്യൂമാഹിയിലെ സി.പി.എം. പ്രവര്ത്തകന് സലീം കൊല്ലപ്പെട്ട കേസിലും ലത്തീഫ് പ്രതിയാണ്.
പള്ളിക്കുന്ന് സ്കൂളില് മെമ്പര്ഷിപ്പ് വിതരണം സംബന്ധിച്ച് ക്യാമ്പസ് ഫ്രണ്ട് പ്രവര്ത്തകരുമായുണ്ടായ തര്ക്കമാണ് സച്ചിന്റെ കൊലപാതകത്തില് കലാശിച്ചത്. പുറത്തുനിന്നെത്തിയ ആറംഗ അക്രമിസംഘമാണ് സച്ചിനെ ആക്രമിച്ചത്. ഇവരെ ഏര്പ്പാടാക്കിയത് ലത്തീഫാണെന്നാണ് അന്വേഷണ സംഘത്തിന് ലഭിച്ച വിവരം. സച്ചിനെ ആക്രമിക്കാന് പള്ളിക്കുന്നിലെത്തുന്നതിനുമുമ്പ് അക്രമിസംഘാംഗങ്ങള് ലത്തീഫുമായി പലതവണ ബന്ധപ്പെട്ടതിന്റെ തെളിവുകള് അന്വേഷണസംഘത്തിന് ലഭിച്ചിട്ടുണ്ട്.
കുത്തേറ്റ് ഗുരുതരമായി പരിക്കേറ്റ സച്ചിന് രണ്ടുമാസം കഴിഞ്ഞാണ് മരിക്കുന്നത്. കുത്തിയ ആളെ അന്വേഷണസംഘം തിരിച്ചറിഞ്ഞിട്ടുണ്ട്. പക്ഷേ, ഇയാളെ കണ്ടെത്താനായിട്ടില്ല. പോപ്പുലര് ഫ്രണ്ടിന്റെ പത്തുപ്രവര്ത്തകരെ ഇതിനകം അന്വേഷണസംഘം ചോദ്യം ചെയ്തിട്ടുണ്ട്. കൊലപ്പെടുത്തണമെന്ന് മുന്കൂട്ടി ഉറപ്പിച്ച് നടത്തിയ അക്രമമായിരുന്നു പള്ളിക്കുന്നിലുണ്ടായതെന്നാണ് പോലീസിന്റെ കണ്ടെത്തല്. അതുകൊണ്ടുതന്നെ ഇതില് നിര്ണായക പങ്കുവഹിച്ച ലത്തീഫിനെതിരെ ഗൂഢാലോചനക്കുറ്റമാണ് ചുമത്തിയിട്ടുള്ളത്.
Courtesy Mathrubhumi Web site